"Surxon" tarkibiga 4 nafar braziliyalik futbolchi kelib qo'shildi

Bugun ertalab Termizning "Surxon" klubi tarkibiga ukrainalik legioner Mikola Agapov kelib qo'shilgani haqida xabar berilgan edi.

Biroz avval klub matbuot xizmati yana bir malumotni elon qildi. Unga ko'ra, 4 nafar braziliyalik futbolchi "Surxon" safiga kelib qo'shilgan. Bular: Lukas Silva Sales, Duglas DoNasimento, Lukas De Oliveyra, Pedro Paulo Martins.

"Bundan bir necha daqiqa oldin "Surxon" jamoasi lageriga 4 nafar braziliyalik futbolchi kelib qo'shildi. San Paolo - Istanbul - Toshkent yo'nalishi bo'ylab uzoq parvozni amalga oshirgan ushbu futbolchilar salkam 17 soat deganda Toshkent shahriga etib keldilar.

Katta ehtimol bilan, ular bugun bo'lib o'tadigan "Qizilqum" jamoasiga qarshi o'rtoqlik uchrashuvida maydonga tushishi kutilmoqda", - deyiladi "Surxon" matbuot xizmati bergan xabarda.