22 mar 16:45
Yangiliklar

Tennis

Svitolina Miami Open turniridagi yurishini boshladi

AQSHning Mayami shahrida tennis bo'yicha nufuzli Miami Open turniri bo'lib o'tmoqda.

Dunyoning 22-raketkasi bo'lib turgan Elina Svitolina ilk davrada raqibasini sezmadi. Ukrainalik tennis malikasi WTA reytingida 45-pog'onada borayotgan shveycariyalik Belinda Benchichga hech qanday imkoniyat qoldirmadi - 6/1, 6/2.

Tennischilarning o'zaro uchrashuvlaridagi hisob Elina foydasiga o'zgardi - 3:2. Etmish uch daqiqa davom etgan bahsda Svitolina 4, Benchich 3 ta eys zarbasini amalga oshirgan. Ikkala tennischi ham 2 tadan qo'shxatoga yo'l qo'ydi. Breyklar bo'yicha mutlaq ustunlik Elina tomonida - 5 ga 0!

Endi Elina Svitolina Miami Open 1/16 finalida chexiyalik Karolina Muxovaga qarshi kortga chiqadi.