Svitolina Rimdagi ishtirokini g'alaba bilan boshladi

Turnirda to'rtinchi raqam ostida tasniflangan ukrainalik tennis go'zali Elina Svitolina to'g'ridan-to'g'ri ikkinchi davradan bahslarga qo'shildi. U rossiyalik Anastasiya Pavlyuchenkovaga qarshi kortga chiqdi. 

Bir soatu 45 daqiqa davom etgan bahs yakunida Svitolina reytingning 36-pog'onasidan joy olgan 29 yoshli raqibasini mag'lubiyatga uchratdi - 6/3, 7/6(4). Dunyoning oltinchi raketkasi Internazionali BNL D'Italia turniri uchinchi bosqichida estoniyalik Anett Kontaveyt yoki rossiyalik Svetlana Kuznecovaga qarshi bahs olib boradi.