31 may 15:52
Yangiliklar

Tennis

Svyontek "Rolan Garros" 1/4 finalida! Uning g'alabali seriyasi 32 ta uchrashuvga etdi

Sayyoramizning birinchi raqamli tennis malikasi Iga Svyontek "Katta Dubulg'a" turkumiga kiruvchi "Rolan Garros" turnirining chorak final ishtirokchisiga aylandi.

Polshalik tennischi Franciya Ochiq chempionatining nimchorak finalida WTA reytingida 74-o'rinni egallab turgan xitoylik CHjen Czinvenni 6/7(5), 6/0, 6/2 hisobida mag'lub etdi. Ikki soata 40 daqiqa davom etgan bahsda Iga 2 ta eys, 7 ta breykni amalga oshirib, bitta qo'shxatoga yo'l qo'ydi. CHjen esa 4 ta eys, 2 ta breyk-poynt hamda 5 ta qo'shxato qayd etdi.

Bu tennischilarning o'zaro o'tkazgan ilk uchrashuvi edi. Endi Svyontek chorak finalda amerikaoik Jessika Pegulaga qarshi kortga chiqadi. Iga Svyontek qatorasiga 32-uchrashuvida zafar quchganligi etiborga molik holat. Bu ko'rsatkichi evaziga u Jyustin Enen bilan tenglashib oldi. Mag'lubiyatsiz seriya bo'yicha Vinus Uilyams (35) va Serena Uilyams (34) etakchilik qilishyapti.