Taekvondo. O'zbekiston milliy terma jamoasi to'liq tarkibda Parij-2024 Olimipiya o'yinlarida ishtirok etadi!

Musobaqada O'zbekiston milliy terma jamoasining ikki nafar azosi — Jasurbek Jaysunov (-80 kg) va Ozoda Sobirjonova (-67 kg) ishtirok etdi.

Quvonarlisi, har ikki sportchimiz o'z janglarida g'alaba qozonib, to'rt yillikning eng muhim kompleks musobaqasi uchun licenziyani qo'lga kiritdi.

Qayd etish joiz, Xitoydagi musobaqadan so'ng milliy terma jamoamizdagi yo'llanmalar soni to'liq bo'ldi - 4 ta. Bu natija Tokio-2020 Olimipiya o'yinlarida ham sodir bo'lgan edi.

Malumot uchun, Olimpiya o'yinlari dasturiga ko'ra, taekvondo WT sport turida ayollar va erkaklar 4 tadan vazn toifasida ishtirok etadi. Har bir mamlakat federaciyasi o'z ixtiyoriga ko'ra ayollar va erkaklar orasidan 2 tadan vazn toifasida yo'llanmalar uchun qatnashish imkoniyatiga ega bo'ladi.

Eslatib o'tamiz, avvalroq terma jamoamizning ikki nafar azosi — Ulug'bek Rashitov (-68 kg) hamda Svetlana Osipova (+67 kg) reyting ochkolari orqali Parij-2024 chiptasiga ega chiqqan edi.

SHu tariqa, Parij-2024 XXXIII yozgi Olimpiya o'yinlarida terma jamoamiz to'liq tarkibda ishtirok etadigan bo'ldi:

-68 kg: Ulug'bek Rashitov

-80 kg: Jasurbek Jaysunov

-67 kg: Ozoda Sobirjonova

+67 kg: Svetlana Osipova.