Taekvondo WT: Niyaz Po'latov jahon chempionatining kumush medali sohibi

Musobaqada ishtirok etayotgan o'zbekistonlik taekvondochilar bugun yana bir medalga ega chiqishdi. 

-63 kg vazn toifasida yurtimiz sharafini himoya qilgan Niyaz Po'latov musobaqa davomida Ozarbayjon, Misr, Eron, Xorvatiya va Ispaniya vakillaridan ustun keldi va finalgacha bordi. Xal qiluvchi jangda esa xitoylik Liang Yushuaiga imkoniyatni boy berib, kumush medalga ega chiqdi. 

Bu O'zbekiston terma jamoasi uchun ushbu jahon chempionatidagi to'rtinchi medal bo'ldi. Bungacha Svetlana Osipova oltin, Nikita Rafalovich va Feruza Sodiqova bronza medallarini qo'lga kiritgandi. O'zbekiston ushbu musobaqada taekvondo bo'yicha jahon chempionatlarida eng yaxshi natijasini ko'rsatmoqda.