Taekvondochilarimiz Toshkentda ettita xorijiy terma jamoa bilan birgalikda xalqaro o'quv-mashg'ulot yig'iniga kirishmoqda

Kecha esa poytaxtimizga Xitoy, Tunis, Gruziya, Saudiya Arabistoni kabi mamlakatlarning ushbu sport turi bo'yicha milliy terma jamoalari katta tarkibda etib keldi. Bugun ular qatoriga Belarus va Iordaniya termalari ham qo'shiladi. SHu tariqa, sakkizta terma jamoa ishtirokida xalqaro o'quv-mashg'ulot yig'ini o'tkaziladi.

Qo'shma yig'in doirasida mashg'ulotlar 21 aprelga qadar davom etadi. Mashg'ulotlar davomida har bir sportchining sinov sparringlarida ishtirok etishi belgilangan.

Ahamiyatlisi, Toshkentdagi yig'inda Olimpiada va Jahon chempionatlarining bir qator g'olib va sovrindorlari ishtirok etmoqda, jumladan, Mohamed Xalil Jendubi (58 kg vaznda Parij-2024 yozgi Olimpiya o'yinlarining bronza medali sovrindori);

Ulug'bek Rashitov (68 kg vaznda Parij-2024 yozgi Olimpiya o'yinlari g'olibi); 

Liang Yushuai (68 kg vaznda Parij-2024 yozgi Olimpiya o'yinlarining bronza medali sovrindori);

Firas Katusi (80 kg vaznda  Parij-2024 yozgi Olimpiya o'yinlari g'olibi);

Svetlana Osipova (+67 kg vaznda Parij-2024 Olimpiya o'yinlarining vece chempioni);

Saleh Elsharabati (80 kg vaznda Tokyo-2020 yozgi Olimpiya o'yinlarining kumush medali sovrindori);

Georgi Gurtsiev — 2023-yilgi Jahon chempionatining kumush medali sohibi;

Zaid Alhalavani — 2022-yilgi Jahon chempionatining bronza medali sovrindori.