26 sen 20:27
Yangiliklar

Tennis

Tashkent Open. 1/2 finalchilar malum bo'ldi, birinchi raketka yutqazdi

SHu kunlarda poytaxtimizdagi Respublika olimpiya zaxiralari tennis maktabi kortlarida WTA tasnifiga kiruvchi Tashkent Open 2019 turniri davom etmoqda.

Sovrin jamg'armasi 220 000 AQSH dollarini tashkil etuvchi musobaqaning yakkalik bahslarida yarim finalchilar nomi malum bo'ldi. Biroz kutilmaganda turnirning birinchi raketkasi Viktoriya Kuzmova chorak final bahsida mag'lubiyat alamini totib ko'rdi.

Dunyo reytingida 56-o'rinni egallab turgan slovakiyalik tennis malikasi 1 soatu 15 daqiqa davom etgan uchrashuv yakunida reytingning 80-pog'onasidan joy olgan chexiyalik Kristina Plishkovaga 3:6, 4:6 hisobida imkoniyatni boy berdi.

WTA reytingida 61-o'rinni band etgan belgiyalik Alison van Eytvank esa franciyalik Polin Parmantedan 6:2, 6:4 hisobida ustun keldi. Yarim finalga ruminiyalik Sorana Kirstya hamda ukrainalik Katarina Zavackaya ham yo'l oldi.