27 sen 16:02
Yangiliklar

Tennis

Tashkent Open. Ikkinchi finalchining nomi ham malum bo'ldi

Poytaxtimizdagi Respublika olimpiya zaxiralari tennis maktabi kortlarida o'tayotgan WTA tasnifiga kiruvchi Tashkent Open 2019 turniri o'zining hal qiluvchi pallasiga kirdi.

Sovrin jamg'armasi 220 000 AQSH dollarini tashkil etuvchi musobaqaning yakkalik bahslarida finalchilar nomi malum bo'ldi. Biroz avval ruminiyalik Sorana Kirstya final chiptasini qo'lga kiritgan edi.

Ikkinchi yarim final uchrashuvida turnirning uchinchi raketkasi Alison van Eytvank chexiyalik Kristina Plishkovani mag'lub etdi. Belgiyalik tennis malikasi 1 soatu 26 daqiqa davom etgan bahs yakunida reytingning 80-pog'onasidan joy olgan Plishkovadan 6:3, 7:5 hisobida ustun keldi.