Tashkent Open turniriga qura tashlandi. Sabina, Nigina va Oqgul raqiblarini bilib olishdi

Dunyo reytingida 53-o'rinni egallab turgan slovakiyalik Viktoriya Kuzmova Tashkent Open turnirining birinchi raqamli tennischisi sifatida saralandi. U ilk davrada amerikalik Francheska Di Lorencoga qarshi kortga chiqadi.

Musobaqaning amaldagi g'olibasi Margarita Gasparyan ikkinchi raqam ostida harakat qiladigan bo'ldi. Rossiyalik tennis malikasi chempionlik himoyasini shveycariyalik SHtefani Fogelega qarshi bahs bilan boshlaydi.

O'zbekistonlik uch nafar tennischiga asosiy to'rda to'g'ridan-to'g'ri qatnashish huquqini beruvchi imtiyozli yo'llanma taqdim etildi. Sabina SHaripova birinchi bosqichda chernogoriyalik Danka Kovinich, Oqgul Omonmurodova belgiyalik Esalin Bonaventure, Nigina Abduraimova esa ruminiyalik Monika Nikuleskuga qarshi kortga chiqadigan bo'ldi.