Tashkil topganiga ko'p bo'lmagan "Burgut" xokkey klubi atrofida havotirli mish-mishlar tarqalmoqda

Bu haqda Qozog'istonning shaiba.kz nashri xabar bermoqda.

Jamoa tashkil etilganidan ko'p o'tmay, o'z oldiga qo'ygan maqsadlarini elon qildi. Yangi klubning Telegram-kanalida transferlar haqida muntazam xabarlar berila boshlandi.

19 may kuni "Burgut" jamoa tarixidagi ilk bosh murabbiy - taniqli Aleksand Visockiy tayinlanganini malum qildi.

Aftidan, hammasi joyidadek ko'rinadi, biroq bir qancha shov-shuvli shartnomalardan so'ng klub rasmiy manbalari birdaniga jim bo'lib qoldi. Yaqinda bo'lib o'tgan Qozog'iston chempionati xokkey klublari rahbarlarining yig'ilishida esa "Burgut" yangi azo sifatida tanishtirilmagan. Qolaversa, Qozog'iston kubogi formati ham nomalumligicha qolmoqda.

SHuningdek, Aleksandr Visockiy bilan shartnoma imzolangani rasman elon qilinganiga qaramay, toshkentliklar o'z tarixidagi ilk mavsumni boshqa murabbiy boshchiligida boshlashi mumkin. Bu Petropavlovskdan taklif etilgan Galim Mambetaliev bo'lishi mumkin.

Bazi manbalar klub hali umuman moliyalashtirilmaganini ham aytmoqda.

"Humo" xokkey klubining matbuot xizmati rahbari Aleksandr Malishev esa bu vaziyatga munosabat bildirar ekan, klub O'zbekiston xokkey federaciyasida ro'yxatdan o'tmagani va shu sababli hech qanday musobaqalarda ishtirok eta olmasligini, ularning "Alpomish" muz saroyidan foydalinishini va yig'in 8 iyul kuni Olma-Ota shahrida boshlanishini aytib o'tdi.