16 jan 22:08
Yangiliklar
SHaxmat
"Tata Steel-2023". Javohir raqibini mag'lub etdi, Nodirbekda durang + FOTO
Niderlandiyaning Veyk-an-Zee shahrida o'tkazilayotgan shaxmat bo'yicha nufuzli xalqaro turnirning uchinchi kungi bahslari o'z yakuni sari yaqinlashmoqda.
Hozirgina musobaqada mag'lubiyatsiz odimlayotgan yosh grossmeysterlarimiz 3-tur uchrashuvini yakunlashdi. "Masters" guruhida qatnashayotgan Nodirbek Abdusattorov qora donalarda o'ynashiga qaramay, azaliy raqibiga aylanib borayotgan hindistonlik Dommardju Gukesh bilan durangga imzo chekdi.
Javohir Sindarov esa oq donalarda boshqa bir hindistonlik grossmeyster Rameshbabu Vayshalini mag'lubiyatga uchratdi. Har ikkala shaxmatchimiz ham 4-tur oldidan 1 g'alaba va 2 durangga ega bo'lib turishibdi. "CHellenjer" guruhida qatnashayotgan Javohir dastlabki ikki turda raqiblari bilan murosa ko'chasini tanlagan edi.
Havola :
Manba : olamsport.com
Fikrlar