Tata Steel Chess-2023. Javohir Sindarovda g'alaba

Xabaringiz bor, Tata Steel Chess-2023 musobaqasida shaxmatchilarimiz Nodirbek Abdusattorov va Javohir Sindarov yurtimiz sharafini himoya qilishyapti. Nodirbek "Masters", Javohir esa "CHellenjer" guruhida o'z mahoratini namoyish etmoqda. 

Kecha "Masters", yani kuchlilar guruhida dam olish kuni edi. "CHellenjer" guruhida esa 5-tur uchrashuvlari o'tkazildi va quvonarlisi, Javohir Sindarov slovakiyalik grossmeyster Jergus Pechakni mag'lubiyatga uchratdi. 

Ushbu muhim g'alabadan so'ng hamyurtimiz 5 imkoniyatdan 3,5 ochko jamg'arib, turnir jadvalida 2-o'ringa ko'tarilib oldi. Turkiyalik Mustafo Yilmaz 4 ochko bilan peshqadamlik qilyapti. Bugun "CHellenjer" guruhida dam olish kuni. Ertaga Sindarov 6-turda qora donalarda braziliyalik Luis Supiga qarshi dona suradi.