"Tata Steel Chess-2023". Nodirbek bugun eng yaqin taqibchisi bilan o'ynaydi, Javohir ham mezbonga qarshi (+turnir jadvali)

Bir kunlik tanaffusdan so'ng bugun musobaqa doirasida Nodirbek Abdusattorov eng yaqin taqibchisi, niderlandiyalik Anish Giri bilan qora donalarda o'ynaydi. Ayni paytda shaxmatchilar 1 va 2-o'rinni egallab turishibdi. Abdusattorov 7, Giri esa 6,5 ochkoga ega. 

"CHellenjer" guruhida esa Javohir Sindarov mezbon Mak Varmerdamga qarshi dona suradi. Ayni paytda Sindarov 6,5 ochko bilan, o'z guruhida 3-o'rinni band etgan. Uning bugungi raqibi esa 4,5 ochko bilan 10-o'ringa joylashgan. 

O'yinlar Toshkent vaqti bilan soat 18:15 da boshlanadi.