Tata Steel Chess 2026. Bugun Niderlandiyada o'zbek derbisi bo'lib o'tadi

Turnirning kuchlilar jam bo'lgan "Masters" guruhida dunyoning etakchi 14 grossmeysteri qatorida hamyurtlarimiz Nodirbek Abdusattorov va Javohir Sindarov ham bosh sovrin uchun bahs olib boryapti. Bugungi tur oldidan Nodirbek 5,5 ochko bilan birinchi, 5 ochkoga ega Javohir esa ikkinchi o'rinni egallab turibdi.  

Etiborlisi shundaki, bugun o'tkaziladigan 9-turda o'zbek derbisiga guvoh bo'lamiz. Unda Sindarov oq donalarda Abdusattorovga qarshi bahs olib boradi. G'alaba qozongan taqdirda Javohir 6 ochko bilan peshqadamga aylanib olishi mumkin. Durang holatda shaxmatchilarimiz birinchi va ikkinchi o'rinlarini saqlab qolishadi.  

Bir yo'la uch ishtirokchi - Hans Niemann (AQSH), Yagiz Kaan Erdogmush (Turkiya) va Yorden van Forest (Niderlandiya) 4,5 ochkodan jamg'arib, Top-5`ga yakun yasab turibdi. Bugungi uchrashuvlar bizning vaqt bilan soat 18:15da boshlanadi.