Tata Steel Chess 2026. Nodirbek Abdusattorov amaldagi chempionni mag'lub etdi, u peshqadamlar safida

Turnirning kuchlilar jam bo'lgan "Masters" guruhida dunyoning etakchi 14 nafar grossmeysteri, ular qatorida hamyurtlarimiz Nodirbek Abdusattorov va Javohir Sindarov ham bosh sovrin uchun bahs olib boryapti. 

Kecha o'tkazilgan 2-turda Nodirbek Abdusattorov oq donalarda Tata Steel Chess turnirining amaldagi chempioni, hindistonlik Rameshbabu Praggnanandhaga qarshi bahs olib bordi va muqarrar durangni g'alabaga aylantirdi. Bu Rameshbabuning ikkinchi mag'lubiyati bo'ldi. Grossmeysterimiz bir durang va bir g'alaba - 1,5 ochko evaziga turnir jadvalida peshqadamlar safiga kirib oldi. Uch nafar shaxmatchi hisobida 1,5 ochkodan bor.   

Amaldagi Jahon kubogi sohibi Javohir Sindarov 2-turda durang natija qayd etdi. U  qora donalarda niderlandiyalik Anish Giri bilan murosaga keldi. Javohir birinchi turda amaldagi jahon chempioni hindistonlik Gukesh Dommaradju bilan ham durang o'ynagan edi. 

Tata Steel Chess 2026. 2-tur natijalari:

Mattias Blyubaum (Germaniya) — Xans Niemann (AQSH) 0,5-0,5

Anish Giri (Niderlandiya) — Javohir Sindarov (O'zbekiston) 0,5-0,5

Gukesh Dommaraju (Hindiston) — Yorden van Forest (Niderlandiya) 0,5-0,5

Nodirbek Abdusattorov (O'zbekiston) — Rameshbabu Pragnanandxa (Hindiston) 1-0

Tay Dai Van Nguen (CHexiya) — Arjun Erigaisi (Hindiston) 0,5-0,5

Vladimir Fedoseev (Sloveniya) — Vinsent Keymer (Germaniya) 1-0

Yagiz Kaan Erdogmush (Turkiya) — Aravindx CHitambaram (Hindiston) 0,5-0,5

Bugun musobaqada 3-tur uchrashuvlari o'tkaziladi va bizning vaqt bilan soat 18:00da boshlanadi. Unda Nodirbek Abdusattorov qora donalarda hindistonlik Aravindh CHitambaramga qarshi bahs olib boradi. Javohir Sindarov esa oq donalarda sloveniyalik Vladimir Fedoseev bilan hisob-kitob qiladi.