Tata Steel Chess 2026. Sindarov 1-turda amaldagi jahon chempioni, Abdusattorov 14 yoshli grossmeyster bilan o'ynadi

Turnirning kuchlilar jam bo'lgan "Masters" guruhida dunyoning etakchi 14 nafar grossmeysteri, ular qatorida hamyurtlarimiz Nodirbek Abdusattorov va Javohir Sindarov ham bosh sovrin uchun bahslarga kirishdi. 

Kecha o'tkaziladigan 1-turda amaldagi Jahon kubogi sohibi Javohir Sindarov amaldagi jahon chempioni hindistonlik Gukesh Dommaradjuga qarshi oq donalarda o'ynadi. O'ta murosasiz va uzoq davom etgan uchrashuvda Sindarov muqarrar mag'lubiyatdan chiqib ketib, durang natija qayd etdi. Bu g'alabaga teng durang bo'ldi. Nodirbek Abdusattorov esa qora donalarda dunyoning eng yosh to'rtinchi grossmeysteri, turkiyalik 14 yoshli Yagiz Kaan Erdogmushga qarshi qora donalarda harakat qildi va u ham yosh raqibi bilan murosaga keldi. 

Tata Steel Chess turnirining amaldagi chempioni Rameshbabu Pragnanandha Hindiston derbisida vatandoshi Arjun Erigaisiga imkoniyatni boy berdi. Amerikalik Hans Niemann va germaniyalik Vinsent Keymer ishtiroklarini g'alaba bilan boshlashdi. Qolgan partiyalar durang natija bilan yakuniga etdi.   

Tata Steel Chess 2026. 1-tur natijalari:

Aravindx CHitambaram (Hindiston) — Mattias Blyubaum (Germaniya) 0,5-0,5

Xans Niemann (AQSH) — Vladimir Fedoseev (Sloveniya) 1-0

Vinsent Keymer (Germaniya) — Anish Giri (Niderlandiya) 1-0

Javohir Sindarov (O'zbekiston) — Gukesh Dommaraju (Hindiston) 0,5-0,5

Yorden van Forest (Niderlandiya) — Tay Dai Van Nguen (CHexiya 0,5-0,5)

Arjun Erigaisi (Hindiston) — Rameshbabu Pragnanandxa (Hindiston) 1-0

Yagiz Kaan Erdogmush (Turkiya) — Nodirbek Abdusattorov (O'zbekiston) 0,5-0,5

Bugun musobaqada 2-tur uchrashuvlari o'tkaziladi va bizning vaqt bilan soat 18:00da boshlanadi. Unda Nodirbek Abdusattorov oq donalarda hindistonlik Rameshbabu Praggnanandhaga qarshi bahs olib boradi. Javohir Sindarov esa qora donalarda niderlandiyalik Anish Giriga qarshi o'ynaydi.