Tata Steel Chess 2026. Taqibchisini mag'lub etgan Abdusattorov yakka peshqadam, Cindarov sof ikkinchi + FOTO

Turnirning kuchlilar jam bo'lgan "Masters" guruhida dunyoning etakchi 14 grossmeysteri qatorida hamyurtlarimiz Nodirbek Abdusattorov va Javohir Sindarov ham bosh sovrin uchun bahs olib boryapti. Kecha tunda o'tkazilgan 12-turdan so'ng Nodirbek 8 ochko bilan yana yakka karvonboshi bo'lib oldi. 

Abdusattorov oq donalarda yaqin taqibchilaridan biri, germaniyalik Mattias Blubaumni mag'lubiyatga uchratishga muvaffaq bo'ldi. Javohir Sindarov esa oq donalarda musobaqaning amaldagi chempioni hindistonlik Rameshbabu Praggnanandha bilan durangga imzo chekdi. Niderlandiyalik Yorden van Forest Hindistonning birinchi raqamli shaxmatchisi Arjun Ergaisi bilan murosaga keldi. 

Germaniyalik Vinsent Keymer chexiyalik Tay Dai Van Nguendan ustun keldi. Sloveniyalik Vladimir Fedoseev turkiyalik 14 yoshli grossmeyster Yagiz Kaan Erdogmushga yutqazib qo'ydi. Mezbonlar vakili Anish Giri hind shaxmatchisi Aravindh CHitambaram bilan durang qayd etdi. Amaldagi jahon chempioni Gukesh Dommaradju esa qora donalarda amerikalik Hans Niemann bilan ochkolarni bo'lishib oldi. 

O'n ikkinchi turdan so'ng Nodirbek Abdusattorov 8 ochko bilan yakka peshqadam bo'lib oldi. Javohir Sindarov 7,5 ochko bilan sof ikkinchi o'rinni egallab turibdi. Yorden van Forest, Hans Niemann va Vinsent Keymer hisobida 7 ochkodan bor. Mattias Blubaum va Yagiz Kaan 6,5 ochko bilan oltinchi hamda ettinchi pog'onalarni band etgan. 

Tata Steel Chess 2026. 12-tur natijalari:

Vinsent Keymer (Germaniya) — Tay Dai Van Nguen (CHexiya) 1-0 

Aravindh CHitambaram (Hindiston) — Anish Giri (Niderlandiya) 0,5-0,5

Javohir Sindarov (O'zbekiston) — Rameshbabu Pragnanandha (Hindiston) 0,5-0,5

Nodirbek Abdusattorov (O'zbekiston) — Mattias Blubaum (Germaniya) 1-0

Yorden van Forest (Niderlandiya) — Arjun Erigaisi (Hindiston) 0,5-0,5

Hans Niemann (AQSH) — Gukesh Dommaraju (Hindiston) 0,5-0,5

Yagiz Kaan Erdogmush (Turkiya) — Vladimir Fedoseev (Sloveniya) 1-0

Bugun turnirda so'nggi 13-tur o'tkaziladi hamda chempion va sovrindorlar malum bo'ladi. Nodirbek Abdusattorov chempionlik matchida qora donalarda Arjun Erigaisiga qarshi bahs olib boradi. Javohir Sindarov ham qora donalarda o'ynaydi. U 3 ochko bilan musobaqa jadvalida so'nggi o'rinni egallab turgan chexiyalik Tay Dai Van Nguen bilan hisob-kitob qiladi. Uchrashuvlar bizning vaqt bilan soat 16:15da boshlanadi.