Tata Steel Chess India. Birozdan so'ng blic musobaqasi boshlanadi

O'z tarixida oltinchi bor o'tkazilayotgan nufuzli musobaqaning mukofot jamg'armasi 41 500 AQSH dollarini tashkil etadi. Kecha turnirda 9 turdan iborat rapid bahslari yakunlangandi. Unda musobaqani mag'lubiyatsiz (6 g'alaba, 3 durang) o'tkazgan jahon reytingi peshqadami Magnus Karlsen 7,5 ochko bilan rapid bahslari g'olibiga aylangandi. So'nggi 9-turda aynan Karlsen bilan durang o'ynagan Nodirbek Abdusattorov 5 ochko bilan 4-o'rinni band etgandi. 

Bizning vaqt bilan soat 13:30da Tata Steel Chess India turnirining blic bahslari start oladi. Bugunning o'zida grossmeysterlar 9 ta turda hisob-kitob qilishadi. Nodirbek 1-turda oq donalarda FIDE bayrog'i ostida o'ynayotgan rossiyalik Daniil Dubovga qarshi bahs olib boradi. Ular o'rtasidagi rapid uchrashuvida durang natija qayd etilgandi. Nodirbek Abdusattorov va Magnus Karlsen o'rtasidagi blic partiyasi 4-turga to'g'ri keladi va taxminan soat 14:30da boshlanadi.

Nodirbek Abdusattorov ishtirokidagi partiyalar:

13:30 1-tur: Nodirbek Abdusattorov - Daniil Dubov (FIDE)

13:50 2-tur: Arjun Erigaisi (Hindiston) - Nodirbek Abdusattorov

14:10 3-tur: Nodirbek Abdusattorov - Vidit Gujrathi (Hindiston) 

14:30 4-tur: Magnus Karlsen (Norvegiya) - Nodirbek Abdusattorov 

14:50 5-tur: Nodirbek Abdusattorov - Rameshbabu Praggnanandhaa (Hindiston) 

15:10 6-tur: Uesli So (AQSH) - Nodirbek Abdusattorov

15:30 7-tur: Nodirbek Abdusattorov - Sunildut Lina Narayanan (Hindiston) 

15:50 8-tur: Nodirbek Abdusattorov - Vinsent Keymer (Germaniya)

16:10 9-tur: Nihal Sarin (Hindiston) - Nodirbek Abdusattorov