Tata Steel Chess India. Bugun blic musobaqasida yana 9 ta tur o'tkaziladi

O'z tarixida oltinchi bor o'tkazilayotgan nufuzli musobaqaning mukofot jamg'armasi 41 500 AQSH dollarini tashkil etadi. Kecha turnirda blic musobaqasining dastlabki 9 ta turi o'tkazilib, unda Nodirbek Abdusattorov 3 g'alaba, 2 durang va 4 mag'lubiyat bilan 4 ochko jamg'argan holda 6-o'rinni egallab turibdi. Rapid turnirida katta farq bilan chempion bo'lgan jahon reytingi peshqadami Magnus Karlsen 6,5 ochko bilan blicda ham peshqadamlik qilyapti. 

Bizning vaqt bilan soat 13:30da Tata Steel Chess India turnirining ikkinchi kungi blic bahslari start oladi. Bugunning o'zida grossmeysterlar qolgan 9 ta turda hisob-kitob qilishadi. Nodirbek 1-turda FIDE bayrog'i ostida o'ynayotgan rossiyalik Daniil Dubovga qarshi bahs olib boradi. Ular o'rtasidagi rapid uchrashuvida ham, kecha o'tkazilgan ilk kungi blicda ham durang natija qayd etilgandi. Nodirbek Abdusattorov va Magnus Karlsen o'rtasidagi ikkinchi blic partiyasi ham 4-turga to'g'ri kelmoqda va taxminan soat 14:30da boshlanadi. 

Nodirbek Abdusattorov ishtirokidagi partiyalar:

13:30 1-tur: Daniil Dubov (FIDE) - Nodirbek Abdusattorov

13:50 2-tur: Nodirbek Abdusattorov - Arjun Erigaisi (Hindiston)

14:10 3-tur: Vidit Gujrathi (Hindiston) - Nodirbek Abdusattorov

14:30 4-tur: Nodirbek Abdusattorov - Magnus Karlsen (Norvegiya)

14:50 5-tur: Rameshbabu Praggnanandha (Hindiston) - Nodirbek Abdusattorov

15:10 6-tur: Nodirbek Abdusattorov - Uesli So (AQSH)

15:30 7-tur: Sunil Narayanan (Hindiston) - Nodirbek Abdusattorov

15:50 8-tur: Vincent Keymer (Germaniya)- Nodirbek Abdusattorov

16:10 9-tur: Nodirbek Abdusattorov - Nihal Sarin (Hindiston)