31 mar 14:16
Yangiliklar

Dzyudo

Tbilisi Gran-Prisi. Bugun 3 dzyudochimiz tatamiga chiqadi

SHu kunlarda Gruziya poytaxti Tbilisi shahrida dzyudo bo'yicha Gran-Pri turkumiga kiruvchi nufuzli turnir bo'lib o'tmoqda.

Sovrin jamg'armasi 100 000 AQSH dollarini tashkil qiluvchi musobaqaning bugun so'nggi uchinchi kungi bahslari o'tkaziladi. Bugun O'zbekiston terma jamoasining 3 nafar dzyudochisi Tbilisi Gran-Prisi medallari hamda Tokio-2020 Olimpiadasining muhim reyting ochkolari uchun tatamiga chiqadi.

-90 kg vazn toifasida bir yo'la ikki vakilimiz - Yahyo Imomov va Davlat Bobonov yurtimiz sharafini himoya qiladi. Imomov ilk davrada qozog'istonlik Serik Salmenovga, Bobonov esa gruziyalik Ushangi Margianiga qarshi bahs olib boradi.

-100 kg vazn toifasidagi polvonimiz Muhammadkarim Xurramov ham birinchi davradan bahslarga kirishadi. Uning birinchi bosqichdagi raqibi hindistonlik Avtar Singx bo'ladi.