Tbilisi Gran-Prisi. Uchchala dzyudochimiz ham g'alaba bilan boshladi

Sovrin jamg'armasi 100 000 AQSH dollarini tashkil qiluvchi musobaqaning bugun so'nggi uchinchi kungi bahslari o'tkaziladi. O'zbekiston terma jamoasining 3 nafar dzyudochisi Tbilisi Gran-Prisi medallari hamda Tokio-2020 Olimpiadasining muhim reyting ochkolari uchun tatamiga chiqmoqda. 

Quvonarlisi, uchchala yurtdoshimiz ham o'z ishtiroklarini g'alaba bilan boshlashdi. -90 kg vazn toifasida bir yo'la ikki vakilimiz - Yahyo Imomov va Davlat Bobonov yurtimiz sharafini himoya qilmoqda. Imomov ilk davrada qozog'istonlik Serik Salmenovni, Bobonov esa gruziyalik Ushangi Margianini mag'lubiyatga uchratdi. 

-100 kg vazn toifasidagi polvonimiz Muhammadkarim Xurramov ham birinchi davradan bahslarga kirishdi. U birinchi bosqichda hindistonlik Avtar Singxdan ustun keldi. 

Dzyudochilarimizning 2-davradagi raqiblari:

-90 kg vazn toifasi

Yahyo Imomov - Altanbagana Gantugla (Mo'g'uliston)

Davlat Bobonov - Pyotr Kuchera (Polsha)

-100 kg vazn toifasi

Muhammadkarim Xurramov - Xangal Odbaatar (Mo'g'uliston)