“Temurbeklar maktabi” o'quvchilari uchun mahorat saboqlari o'tkazildi

O'zbekiston Milliy Olimpiya qo'mitasi bu dargohda tarbiyalanayotgan yoshlarning jismonan sog'lom bo'lib etishishlarida o'z hissasini qo'shmoqda.

Toshkent shahrida joylashgan “Temurbeklar maktabi” o'quvchilari o'rtasida sportni ommalashtirish, ularni har tomonlama barkamol, kelajakda harbiy xizmatga jismonan va ruhan matonatli jasur xodim sifatida tarbiyalash, shuningdek, maskanga etakchi murabbiy va sport mutaxassislarni jalb etgan holda sport sekciyalarini tashkil etish, natijada xalqaro miqyosida o'tkaziladigan harbiy sport musobaqalarida ishtirok etishi uchun istiqboli yosh harbiy sportchilar zaxirasini yaratish maqsadida O'zbekiston Respublikasi Davlat xavfsizlik xizmati va O'zbekiston Milliy Olimpiya qo'mitasi o'rtasida hamkorlik bitimi imzolangan.

Mazkur bitim ijrosini taminlash maqsadida “Temurbeklar maktabi” tarbiyalanuvchilari Mirzo Ulug'bek tumani 1-sonli bolalar-o'smirlar sport maktabida tashkil etilgan “Mahorat saboqlari” tadbirida ishtirok etishdi. Unda etakchi sport ustalari tomonidan sportning boks, qo'l jangi, sambo, dzyudo va erkin kurash kabi yakkakurash turlari, suzish bo'yicha master klasslar namoyish etishdi.

Kelajakda o'quvchilar o'zlarining qiziqishlari asosida maqul sport turlari sekciyalariga azo bo'lishadi hamda muntazam ravishda o'quv mashg'ulotlarida ishtirok etishadi.