Farg'ona viloyati dzyudosiga yangi rahbar saylandi

Unda O'zbekiston dzyudo federaciyasining Farg'ona viloyati bo'limi faoliyati taxlil qilindi. O'zbekiston dzyudo federaciyasi raisi o'rinbosari SHoatxam Isroilov boshchiligida o'tgan yig'ilishda viloyat dzyudo federaciyasining faoliyati, mamlakat miqyosida ko'rsatayotgan natijalari tanqid ostiga olindi. SHuningdek, selekciya ishlarining to'g'ri yo'lga qo'yilmagani ham alohida urg'ulandi. 

Farg'ona vodiysining har sohada, ayniqsa sport yo'nalishida istedodlarga boy ekanligini inobatga olsak, viloyat dzyudochilariga hozirgi natija umuman yarashmaydi. 

Yig'ilish yakunida O'zbekiston dzyudo federaciyasining Farg'ona viloyati bo'limiga yangi rahbar saylandi. Yig'ilish qatnashchilari bir ovozdan Nizom Iraliev nomzodini maqullashdi. O'zbekiston dzyudo federaciyasi rahbariyati sportchilik faoliyati davomida dzyudo bilan professional tarzda shug'ullangan Nizom Iralievga katta ishonch bildirdi. 

O'ylaymizki, qisqa fursatda viloyatda dzyudoga bo'lgan qarash o'zgaradi va tabiiyki natijalar ham.