27 noy 16:39
Yangiliklar

Tennis

Tennis. Humoyun Sultonov Vale-de-Lobo turniri g'olibiga aylandi. Bu uning faoliyati davomidagi to'rtinchi tituli

Portugaliyaning Vale-de-Lobo shahrida tennis bo'yicha "Fyuchers" turkumiga kiruvchi musobaqa kecha o'z yakuniga etdi.

Musobaqaning final bahsida O'zbekistonning birinchi raqamli raketkasi Humoyun Sultonov kortga chiqdi. Franciyalik Jyul Mariga qarshi kechgan bahs taqdiri 2 setda hal bo'ldi. Unga ko'ra, 25 yoshli Humoyun uchrashuvda 6/4, 7/6 (13-11) hisobida raqibidan ustun keldi va turnir g'olibiga aylandi.

Malumot uchun, ushbu musobaqaning mukofot jamg'armasi 25 000 AQSH dollarini tashkil etadi. Vale-de-Lobo turniri Sultonovning faoliyati davomidagi yakkalik bahsarida qo'lga kiritgan to'rtinchi tituli bo'ldi. Humoyun bungacha Qarshi, Praga, Yablonek va Nisau shaharlarida o'tkazilgan "Fyuchers" turnirlarida g'alabaga erishgan.

Malumot o'rnida, Sultonov ayni damda dunyo reytingida 415, Jyul Mari esa 251-o'rinni egallab turibdi.