Tennisimiz malikasi Iroda To'laganovani tabriklaymiz!

Iroda To'laganova 1982 yil 7 yanvarda Toshkent shahrida tavallud topgan. Professional sportchi sifatida 1999 yildan o'z faoliyatini boshlagan. Tennis bo'yicha Butunjahon o'smirlar o'yinlari bronza medali sovrindori (1998, Moskva), o'smir qizlar o'rtasida Osiyo chempionati (1999, Fukuoka), «Wimbledon» (1999, London) va juftlikda «US Open» turnirlari (1999, Nyu-York) g'olibi. Pusanda bo'lib o'tgan Osiyo o'yinlari chempioni (2002 yil). 2006 va 2007 yillarda Osiyo chempioni.

«O'zbekiston Respublikasida xizmat ko'rsatgan sportchi» va “O'zbekiston iftixori” faxriy unvonlari, «SHuhrat» medali sohibasi. Hozirda O'zbekiston tennis federaciyasining Bosh kotibi va Osiyo tennis federaciyasining vice-prezidenti sifatida faoliyat olib bormoqda.

Fursatdan foydalanib, Iroda To'laganovani bugungi tavallud ayyomi bilan tabriklaymiz. Unga uzoq umr, sihat-salomatlik va ulkan muvaffaqiyatlar tilaymiz.