TePe Sigeman 2026. Magnus bilan durang o'ynagan Abdusattorov peshqadamigini saqlab qoldi, ammo

Musobaqada sakkiz grossmeyster bosh sovrin uchun bahs olib bormoqda. Ular orasida Nodirbek Abdusattorov hamda jahon reytingi etakchisi norvegiyalik Magnus Karlsen ham bor. Musobaqaning 3-turida Abdusattorov qora donalarda aynan Magnus Karlsen bilan hisob-kitob qildi. Mos ravishda 98,8 va 98,7 foiz ko'rinishida aniqlik bilan harakat qilgan grossmeysterlar yakunda murosaga kelishdi. 

Ushbu durangdan keyin Nodirbek Abdusattorov 2 ochko bilan qo'shimcha ko'rsatkichlarga ko'ra peshqadamligini saqlab qoldi. Ammo uning taqibchilari 3-turdan so'ng shaxmatchimizga etib oldi. Besh nafar ishtirokchi hisobida 2 ochko bor. Hindistonlik Arjun Eragisi mezbonlar vakili Nils Grandeliusni, turkiyalik yosh iqtidor egasi Yagiz Kaan Erdogmush yagona ayol ishtirokchi xitoylik grossmeyster CHju Czinerni mag'lubiyatga uchratdi. 

Uchinchi turdan so'ng Nodirbek Abdusattorov qo'shimcha ko'rsatkichlarga ko'ra hamon peshqadam bo'lib turibdi. Kechagi g'alabasi evaziga Arjun Eragisi ham ochkolarini 2 taga etkazib oldi. Bugun 4-turda Nodirbek aynan Arjunga qarshi oq donalarda o'ynaydi. Magnus Karlsen, Yagiz Kaan Erdogmush va Endi Vudvard hisobida ham 2 ochkodan bor.

To'rtinchi tur uchrashuvlari bugun bizning vaqt bilan soat 18:00`da boshlanadi.