Terens Krouford Saul Alvaresga qarshi ehtimoliy jang haqida gapirdi

Uning rejasiga ko'ra, jang 2025 yil sentyabr oyida Saudiya Arabistonida o'tishi mumkin.

"Aniq bilmayman. Hech kim bilmaydi. Errol Spensga qarshi jang oldidan ham xuddi shunday o'ylagan edim. Kanelo haqida ham xuddi shu gap. Hamma uning kuchli, katta va yaxshi taymingga ega ekanligini biladi. Uning bosh harakatlari ajoyib, qarshi hujumda ham u juda zo'r. Hamma buni biladi. Ammo hech kim Kroufordni 76 kg vaznda ko'rmagan. Men bu vaznda zarbalarga dosh bera olamanmi? Hech kim bilmaydi. Kanelo men bilan ochiq to'qnashuvga tayyormi? Bilmaymiz. U mening harakatlarimni cheklay oladimi? Bu ham nomalum. 

Albatta, tashqaridan qaraganda uning ustunligi bor, chunki u bu vaznda ancha vaqtdan beri jang qilib kelyapti. Ammo aslida nima bo'lishini hech kim bilmaydi. SHuning uchun ham bokschilar jang o'tkazishadi", — dedi Krouford.