27 okt 10:06
Yangiliklar
Gimnastika
Termizda yosh gimnastikachilar bellashdi
Surxondaryo viloyatida “Maktabgacha va maktab talimi vaziri kubogi” uchun badiiy gimnastika bo'yicha viloyat bosqichi musobaqasi bo'lib o'tdi.
Musobaqa Prezidentimiz SHavkat Mirziyoevning 2022 yil 23 dekabrdagi “Gimnastika sport turlarini yanada rivojlantirish chora-tadbirlari to'g'risida”gi qarori ijrosi doirasida tashkil etildi.
Bellashuvlarda tuman va shahar bosqichlarida saralangan 1-4-sinf o'quvchi-qizlar jamoalari guruh mashqlari va shaxsiy dasturda mahorat namoyish etdi.
Yakuniy natijalarga ko'ra, Termiz shahri 9-maktab jamoasi musobaqa g'olibi bo'ldi. Ikkinchi va uchinchi o'rinlar Oltinsoy tumani 13-AFCHO'M jamoasi va Qumqo'rg'on tumani 4-maktab gimnastikachi qizlariga nasib etdi.
G'olib va sovrindor jamoalar maktabgacha va maktab talimi boshqarmasi tomonidan munosib taqdirlandi.
Havola :
Manba : uza.uz
Fikrlar