31 iyu 18:20
Yangiliklar
Tennis
Teylor Fritc bosh sovrinni AQSHda olib qoldi
Dunyoning to'qqizinchi raketkasi Teylor Fritc AQSHning Atlanta shahrida yakuniga etgan ATP turniri chempioniga aylandi.
Amerikalik tennischi hal qiluvchi final uchrashuvida ATP reytingining 82-pog'onasida borgan avstraliyalik Aleksandr Vukichni qiyinchilik bilan mag'lubiyatga uchratdi - 7/5, 6/7(5), 6/4. Bu tennischilarning o'zaro ilk uchrashuvi edi.
Ikki soatu 18 daqiqa davom etgan bahsda Fritc 16, Vukich esa 14 ta eys zarbani amalga oshirgan. O'z yurtidagi muvaffaqiyatli ishtirok Teylorga 250 reyting ochkosi hamda 112,125 AQSH dollari miqdoridagi mukofot pulini taqdim etdi. Bu uning faoliyatidagi oltinchi ATP sovrini bo'ldi.
Havola :
Manba : gotennis
Fikrlar