Thailand Open. Svitolina g'alaba bilan boshladi

Sayyoramizning to'rtinchi raqamli tennis malikasi Elina Svitolina musobaqadagi ishtirokini g'alaba bilan boshladi. Ukrainalik tennischi birinchi davra uchrashuvida reytingning 195-pog'onasidan joy olib turgan gollandiyalik Bibiana Sxoofsga qarshi kortga chiqdi. 

Elina 1 soatu 19 daqiqa davom etgan bahsda raqibasidan 6/2, 6/4 hisobida ustun keldi. Bu tennischilarning o'zaro o'tkazgan ilk uchrashuvi edi. Endi 25 yoshli Svitolina Thailand Open turnirining ikkinchi bosqichida avstraliyalik Storm Sandersga qarshi bahs olib boradi.