18 apr 11:35
Yangiliklar

Tennis

Tim Monte-Karlodagi yurishini davom ettirmoqda

Monako Knyazligining Monte-Karlo shahrida tennis bo'yicha "Masters" seriyasiga kiruvchi nufuzli turnir davom etmoqda.

Sayyoramizning beshinchi raketkasi bo'lib turgan Dominik Tim ikkinchi davra uchrashuvida ham g'alabaga erishdi. Avstriyalik tennischi reytingning roppa-rosa 50-pog'onasidan joy olgan slovakiyalik Martin Klijanni 6/1, 6/2 hisobida mag'lub etdi.

Ikki tennischi o'rtasidagi o'zaro uchrashuvlar hisob tenglashdi - 3:3. Endi Tim Rolex Monte-Carlo Masters turnirining uchinchi bosqichida belgiyalik David Goffin hamda serbiyalik Dushan Layovich uchrashuvi g'olibiga qarshi kortga chiqadi.