11 noy 09:23
Yangiliklar

SHaxmat

Tohirjonova jahon chempionatining 3-davra 2-partiyasida yutqazdi, bugun tay-brek

Rossiyaning Xanti-Mansiysk shahrida shaxmat bo'yicha ayollar o'rtasida nokaut tizimidagi jahon chempionati davom etmoqda.

Jahon chempionatining sovrin jamg'armasi 450 000 AQSH dollarini tashkil qiladi va g'olib shaxmatchi 60 000 dollarga ega bo'ladi. Ushbu jahon chempionatida yurtimiz sharafini yagona vakilamiz, ayollar o'rtasida xalqaro grossmeyster Gulruhbegim Tohirjonova himoya qilyapti.

Gulruhbegim birinchi va ikkinchi davrada g'alaba nashidasini surgandi. Istedodli shaxmatchimiz 1/8 final bosqichining ilk partiyasida ham g'alabaga erishgan edi. U rossiyalik xalqaro grossmeyster Valentina Guninani oq donalarda mag'lub etdi. Lekin kecha o'tkazilgan ikkinchi partiyada qora donalarda harakat qilgan Gulruhbegim mag'lubiyatga uchradi. Bugun hal qiluvchi tay-brek o'ynaladi.