Tomas Bax Seul tinchlik mukofotiga sazovor bo'ldi

Prezident Bax onlayn marosimga Lozannadan ulandi. Mukofotni esa uning nomidan BMTning sobiq Bosh kotibi Pan Gi Mun qabul qilib oldi.

Mukofotni topshirayotganda Seul Tinchlik mukofoti Madaniyat jamg'armasi raisi Yom CHje Xo Tomas Bax haqida o'zining iliq fikrlarini bildirib o'tdi. «XOQ prezidenti Tomas Bax sport orqali tinchlikka erishish missiyasini bajaradi. Janob Bax ko'plab mintaqalardagi nizolar va bo'linishlarni sport orqali hal qilishga katta hissa qo'shgan va shu bilan u tinchlikka intilgan buyuk Olimpiya chempioni ekanligini isbotladi», – dedi Yom CHje Xo.

Mukofotdan keyin so'zlagan Prezident Bax ham o'z fikrlari bilan o'rtoqlashdi: «Ushbu mukofot butun Xalqaro Olimpiya qo'mitasi va butun Olimpiya harakatiga tegishli. Ularning tinimsiz mehnati va dunyodagi ko'plab odamlarning to'liq qo'llab-quvvatlovisiz, ushbu yutuqlarga hech qachon erishilmas edi».

Seul Tinchlik mukofoti tomonidan ajratilgan 200 ming AQSH dollari mukofoti XOQ prezidenti tomonidan Olimpiya o'yinlari fondi va boshqa ijtimoiy taminot tashkilotlariga yo'naltirilgan.