18 noy 15:45
Yangiliklar
Sarsekbaev Qozog'iston va O'zbekistonda bokschilarga bo'lgan munosabatdagi farqni ko'rsatdi
"Qozog'iston va O'zbekiston yoshlar Olimpiadasiga uch nafardan bokschi olib keldi. Sportchilarimizdan ikki nafari finalga chiqdi, yana biri bronza medalini qo'lga kiritdi. O'zbekistonga har ikki oltin medalni qizlar keltirdi. O'g'il bolalar terma jamoasining yagona umidi bo'lgan Ibrohim SHokirjonov esa birinchi jangining o'zidayoq mag'lub bo'ldi. Ammo o'z yurtida uni tanqid qilishmayapti. Aksincha, qo'llab-quvvatlab, unga omad tilashmoqda.
Bizda esa qanday? Bir bokschi mag'lub bo'lishi bilan uni har tomonlama tanqid qilishni boshlashadi. Ertasi kuni g'alaba qozonsa, avvalgi mag'lubiyatini hamma unutib yuboradi. SHuning uchun yosh bokschilarni qo'llab-quvvatlash kerak.
Bibaris Ashirbay ham jahon chempionatida, ham Olimpiya o'yinlarida finalga chiqdi. Ushbu ikki musobaqa orasidagi vaqt qisqa bo'lgani va iqlimga moslashish oson kechmaganiga qaramay, u o'z imkoniyatlarini to'liq namoyon etdi. Bu istiqbolli yigit va ishonamanki, kattalar o'rtasida ham o'zini ko'rsata oladi. SHuning uchun uni doimiy ravishda boshqalar bilan taqqoslash o'rniga, qo'llab-quvvatlagan maqul", — dedi Sarsekbaev.
Fikrlar