Tomas Bax XOQ prezidentligiga saylovda yagona nomzod bo'ladi

XOQning amaldagi rahbari Tomas Bax ushbu lavozimga davogarlik qilmoqda. Ovoz berish keyingi yil mart oyida bo'lib o'tadi.

Qilichbozlik bo'yicha 1976 yilgi Olimpiya chempioni Tomas Bax 2013 yil 10 sentyabrda Buenos-Ayresda bo'lib o'tgan XOQning 125-sessiyasida Xalqaro olimpiya qo'mitasining prezidenti etib saylangan edi. U joriy yil yoz oyida navbatdagi 4 yillik muddat uchun saylovlarda qatnashish niyati borligini malum qilgandi. Nomzodlarni ko'rsatish muddati 30 noyabrda yakunlandi. Tashkilotning amaldagi rahbaridan boshqa biron bir davogar ro'yxatdan o'tkazilmagan.

Prezidentlik saylovlari XOQning 2021 yil 10-12 mart kunlari Afinada bo'lib o'tadigan 137-sessiyasi doirasida bo'lib o'tadi. Koronavirus pandemiyasi sababli onlayn tarzda o'tkazilgan avvalgi shunga o'xshash tadbirdan farqli o'laroq, delegatlar Greciya poytaxtidagi uchrashuvlarda shaxsan ishtirok etishlari mumkinligi taxmin qilinmoqda. Ammo sessiya yana virtual rejimda tashkil etilishi ham istisno qilinayotgani yo'q.