02 avg 02:00
Yangiliklar
To'raboevning bronzasi, Mullojonov medalni naqd qildi va boshqa natijalar (6-kun)
Kun davomida O'zbekiston sport delegaciyasi 1 ta bronza medalini qo'lga kiritdi. Dzyudochimiz Muzaffarbek To'raboev bronza medali sohibiga aylandi.
O'zbekistonlik sportchilarning bugungi natijalari:
Akademik eshkak eshish. Anna Prakaten (yarim final) - o'z guruhida marraga 4-bo'lib keldi va medallar uchun kurashish imkoniyatini yo'qotdi.
Dzyudo. Muzaffarbek To'raboev - bronza medalini qo'lga kiritdi!
Dzyudo. Irisxon Qurbonboeva - ilk bosqichdayoq yaponiyalik raqibasiga yutqazdi.
Boks. Sabina Boboqulova - CHatamat Raksat (Tailand) - 0:5 hisobida mag'lub bo'ldi.
Boks. Ruslan Abdullaev - Vyatt Sanford (Kanada) - 1:4 hisobida mag'lub bo'ldi.
Boks. Navbahor Hamidova - Morelle Makkeyn (AQSH) - 3:2 hisobida g'alaba qozondi.
Boks. Lazizbek Mullojonov - Marli Keno Machado (Braziliya) - 5:0 hisobida g'alaba qozondi
Ushbu sahifa orqali o'zbekistonlik sportchilarning qayd etayotgan natijalaridan xabardor bo'lib turishingiz mumkin bo'ldi.
1:20. Bokschimiz Lazizbek Mullojonov chorak finalda braziliyalik raqibni 5:0 hisobida mag'lub etdi va yarim finalga yo'l oldi!
22:00. Endi 00:50 dan so'ng Lazizbek Mullojonov jang qiladi. Kutamiz!
20:45. BRONZAAAAA!!!! Muzaffarbek To'raboev! Ispaniyalik raqibini mag'lubiyatga uchratib bronza medalini qo'lga kiritdi!
20:10. Boks. Navbahor Hamidova nimchorak finalda amerikalik raqibasiga qarshi ringga ko'tarildi va 3:2 hisobida g'alaba qozonib, chorak finalga yo'l oldi.
19:38. Muzaffarbek To'raboev ozarbayjonlik raqibga yutqazdi. Endi hamyurtimiz bronza medali uchun kurashadi. Afsus.
19:08. Dzyudo bellashuvlarining kechgi dasturi start oldi. Ikkita jangdan so'ng Muzaffarbek To'raboev tatamiga chiqadi.
16:15. Muzaffarbek To'raboevning yarim finaldagi raqibi ozarbayjonlik Zelim Kocoev raqib bo'ladi. Ushbu bahs taxminan 19:20dan so'ng boshlanadi.
16:06. Bokschimiz Ruslan Abdullaev chorak finalda kanadalik Vyatt Sanfordga qarshi jang qildi. To'liq davom etgan jangda afsuski hakamlar kanadalik bokschining 4:1 hisobidagi g'alabasini qayd etishdi.
15:35. Muzaffarbek To'raboev chorak finalda Niderlandiya vakiliga qarshi tatamiga chiqdi va IPPON evaziga g'alaba qozondi! Yarim final!
14:32. Bokschi qizimiz Sabina Boboqulova afsuski Tailand vakilasiga 0:5 hisobida imkoniyatni boy berdi va musobaqadagi ishtirokini yakunladi.
14:30. Muzaffarbek To'raboev qozog'istonlik raqibini ippon evaziga mag'lubiyatga uchratdi va chorak finalga yo'l oldi!
14:20. Irisxon Qurbonboeva soniyalar ichida yaponiyalik raqibasiga yutqazdi. Sportchimiz og'ritish usulida raqibasiga mag'lub bo'ldi.
13:36. Muzaffarbek To'raboevning nimchorak final bosqichidagi raqibi nomi malum. Hamyurtimiz qozog'istonlik Nurlixan SHarxan bilan to'qnash keladi.
12:38. Anna Prakaten yarim finalda marraga 4-bo'lib etib keldi va finalga chiqa olmadi. Afsus. Medallar uchun imkoniyat tugadi Prakatenda. B finallar medallar uchun xech qanday imkoniyat bermaydi.
12:18. Birozdan so'ng akademik eshkak eshuvchimiz Anna Prakaten final yo'llanmasi uchun startga chiqadi.
Fikrlar