02 авг 02:00
Янгиликлар
Тўрабоевнинг бронзаси, Мулложонов медални нақд қилди ва бошқа натижалар (6-кун)
Кун давомида Ўзбекистон спорт делегацияси 1 та бронза медалини қўлга киритди. Дзюдочимиз Музаффарбек Тўрабоев бронза медали соҳибига айланди.
Ўзбекистонлик спортчиларнинг бугунги натижалари:
Академик эшкак эшиш. Анна Пракатен (ярим финал) - ўз гуруҳида маррага 4-бўлиб келди ва медаллар учун курашиш имкониятини йўқотди.
Дзюдо. Музаффарбек Тўрабоев - бронза медалини қўлга киритди!
Дзюдо. Ирисхон Қурбонбоева - илк босқичдаёқ япониялик рақибасига ютқазди.
Бокс. Сабина Бобоқулова - Чатамат Раксат (Таиланд) - 0:5 ҳисобида мағлуб бўлди.
Бокс. Руслан Абдуллаев - Вятт Санфорд (Канада) - 1:4 ҳисобида мағлуб бўлди.
Бокс. Навбаҳор Ҳамидова - Морелле Маккейн (АҚШ) - 3:2 ҳисобида ғалаба қозонди.
Бокс. Лазизбек Мулложонов - Марли Кено Мачадо (Бразилия) - 5:0 ҳисобида ғалаба қозонди
Ушбу саҳифа орқали ўзбекистонлик спортчиларнинг қайд этаётган натижаларидан хабардор бўлиб туришингиз мумкин бўлди.
1:20. Боксчимиз Лазизбек Мулложонов чорак финалда бразилиялик рақибни 5:0 ҳисобида мағлуб этди ва ярим финалга йўл олди!
22:00. Энди 00:50 дан сўнг Лазизбек Мулложонов жанг қилади. Кутамиз!
20:45. БРОНЗААААА!!!! Музаффарбек Тўрабоев! Испаниялик рақибини мағлубиятга учратиб бронза медалини қўлга киритди!
20:10. Бокс. Навбаҳор Ҳамидова нимчорак финалда америкалик рақибасига қарши рингга кўтарилди ва 3:2 ҳисобида ғалаба қозониб, чорак финалга йўл олди.
19:38. Музаффарбек Тўрабоев озарбайжонлик рақибга ютқазди. Энди ҳамюртимиз бронза медали учун курашади. Афсус.
19:08. Дзюдо беллашувларининг кечги дастури старт олди. Иккита жангдан сўнг Музаффарбек Тўрабоев татамига чиқади.
16:15. Музаффарбек Тўрабоевнинг ярим финалдаги рақиби озарбайжонлик Зелим Коцоев рақиб бўлади. Ушбу баҳс тахминан 19:20дан сўнг бошланади.
16:06. Боксчимиз Руслан Абдуллаев чорак финалда канадалик Вятт Санфордга қарши жанг қилди. Тўлиқ давом этган жангда афсуски ҳакамлар канадалик боксчининг 4:1 ҳисобидаги ғалабасини қайд этишди.
15:35. Музаффарбек Тўрабоев чорак финалда Нидерландия вакилига қарши татамига чиқди ва ИППОН эвазига ғалаба қозонди! Ярим финал!
14:32. Боксчи қизимиз Сабина Бобоқулова афсуски Таиланд вакиласига 0:5 ҳисобида имкониятни бой берди ва мусобақадаги иштирокини якунлади.
14:30. Музаффарбек Тўрабоев қозоғистонлик рақибини иппон эвазига мағлубиятга учратди ва чорак финалга йўл олди!
14:20. Ирисхон Қурбонбоева сониялар ичида япониялик рақибасига ютқазди. Спортчимиз оғритиш усулида рақибасига мағлуб бўлди.
13:36. Музаффарбек Тўрабоевнинг нимчорак финал босқичидаги рақиби номи маълум. Ҳамюртимиз қозоғистонлик Нурлихан Шархан билан тўқнаш келади.
12:38. Анна Пракатен ярим финалда маррага 4-бўлиб етиб келди ва финалга чиқа олмади. Афсус. Медаллар учун имконият тугади Пракатенда. Б финаллар медаллар учун хеч қандай имконият бермайди.
12:18. Бироздан сўнг академик эшкак эшувчимиз Анна Пракатен финал йўлланмаси учун стартга чиқади.
Фикрлар