To'rt nafar tennischimizdan faqat biri ikkinchi davraga chiqdi

Sovrin jamg'armasi 15 000 AQSH dollarini tashkil qiluvchi musobaqaning asosiy to'r bahslarida to'rt nafar tennischimiz o'z imkoniyatini sinovdan o'tkazayotgandi. Ulardan birgina Temur Ismoilov ikkinchi davraga chiqdi.

Ismoilov o'ziga xos “o'zbek derbisi”da yana bir hamyurtimiz SHonig'matjon SHofayzievni 6:1, 7:6(2) hisobida mag'lub etdi. Istedodli tennischimiz Humoyun Sultonov turnirning ikkinchi raketkasi belaruslik Dmitriy Jirmontga 7:6(1), 3:6, 5:7 hisobida yutqazib qo'ydi.

Yana bir tennischimiz Sardor Po'latov esa o'zi singari saralash bahslari orqali asosiy to'rga etib kelgan amerikalik Ivan Yacukka 4:6, 3:6 hisobida imkoniyatni boy berdi. Ismoilovning ikkinchi davradagi raqibi britaniyalik Jonatan Grey bo'ladi.