Toshkent 2026 yilgi Butunjahon shaxmat olimpiadasi mezbonligi uchun kurashadi

SHubhasiz, bunday yirik musobaqani qabul qilish har qanday mamlakatga ham nasib etavermaydi. Butunjahon shaxmat federaciyasi (FIDE) prezidenti maslahatchisi Bereg Balgabaev bilan mazkur mavzu muhokamasiga bag'ishlangan uchrashuv tashkil qilindi. MOQda bo'lib o'tgan rasmiy tadbirda Qo'mita raisi Rustam SHoabdurahmonov, Jismoniy tarbiya va sport vazirining birinchi o'rinbosari Ravshan Irmatov hamda MOQ Bosh kotibi Oybek Kasimov ishtirok etdi.

“Muhtaram Prezidentimiz boshchiligida yurtimizda sport targ'iboti bo'yicha katta ishlar olib borilmoqda. Jumladan, 2025 yil Toshkentda Osiyo o'yinlarini qabul qilish va uni yuqori saviyada o'tkazish bo'yicha tegishli topshiriqlar berildi. Ayniqsa, yurtimiz aholisi orasida sportga bo'lgan qiziqishni oshirish uchun Toshkentda xalqaro musobaqalarni imkon qadar ko'proq o'tkazishga etibor qaratilgan. Butunjahon shaxmat Olimpiadasini O'zbekistonda o'tkazish g'oyasini hukumatimiz qo'llab-quvvatlashiga ishonaman. SHaxsan men tadbirlarga tarixiy Samarqand shahrini yaxshi nomzod deb ko'rsatgan bo'lar edim”, – dedi MOQ raisi.

SHuningdek, suhbat davomida 2026 yilda Butunjahon shaxmat Olimpiadasi va uning doirasida FIDE Kongressini ham O'zbekistonda o'tkazish bo'yicha muzokara olib borildi. O'z navbatida MOQ hamda Jismoniy tarbiya va sport vazirligi mutasaddilari FIDE bilan chuqur hamkorlikni yo'lga qo'yishdan mamnun ekanliklarini bildirdilar. Takidlash joiz, martabali mehmon bugun kun davomida poytaxtimizdagi Xalqaro shaxmat akademiyasiga ham tashrif buyurib, u erdagi shart-sharoitlar bilan yaqindan tanishdi.