Toshkent “CHellenjer”. Asosiy to'rda 6 tennischimiz, ularning ilk raqiblari malum

Sovrin jamg'armasi 150 000 AQSH dollarini tashkil qiluvchi musobaqaga qura tashlandi. Unga ko'ra, asosiy to'r bahslarida 6 nafar tennischimiz ishtirok etishi malum bo'ldi. Ularning 4 nafariga turnir tashkilotchilari imtiyozli yo'llanma taqdim etishdi.

Faqatgina turnirning birinchi raketkasi Denis Istomin hamda mamlakatimizning ikkinchi raketkasi Sanjar Fayziev reytingda egallab turgan o'rinlari bo'yicha asosiy to'rda qatnashishadi.

Qolgan tennischilarimiz - Farrux Do'stov, Temur Ismoilov, Jo'rabek Karimov va Humoyun Sultonov esa imtiyozli chipta asosida asosiy to'rga qo'yilishdi.

Biroz avval xabar berganimizdek, mamlakatimiz hamda turnirning birinchi raketkasi Denis Istomin ilk davrada yana bir hamyurtimiz Farrux Do'stovga qarshi kortga chiqadi. Istomin ayni paytda dunyo reytingida 53-o'rinni egallab turibdi.

Tennischilarimizning 1-davradagi raqiblari:

Denis Istomin (O'zbekiston) – Farrux Do'stov (O'zbekiston)

Sanjar Fayziev (O'zbekiston) – Aldin Setkich (Bosniya va Gercegoviniya)

Humoyun Sultonov (O'zbekiston) – Attila Balaj (Vengriya)

Jo'rabek Karimov (O'zbekiston) – Aleksandr Bublik (Qozog'iston, 3)

Temur Ismoilov (O'zbekiston) – Tomas Fabbiano (Italiya, 2)