Toshkent CHellenjer. Bugun Sultonov boshlab beradi

Sovrin jamg'armasi 75 000 AQSH dollarini tashkil qiluvchi ushbu turnirning asosiy to'r bahslarida hamyurtimizdan Denis Istomin, Jo'rabek Karimov, Humoyun Sultonov ishtirok etadi. 

Istedodli tennischilarimiz Jo'rabek Karimov va Humoyun Sultonovga turnir tashkilotchilari to'g'ridan-to'g'ri asosiy to'rda qatnashish huquqini beruvchi imtiyozli yo'llanma taqdim etishgan. Bugun Humoyun avstriyalik Akira Santilyanga qarshi kortga chiqadi. 

Bosniyalik Mirza Bashich musobaqaning birinchi raketkasi sifatida harakat qiladi. Mamlakatimizning birinchi raqamli tennischisi Denis Istomin esa ikkinchi raqam ostida saralandi. Almati shahridagi “CHellenjer” turnirida bosh sovrinni qo'lga kiritgan Denis ilk davrada italiyalik Federiko Gayoga qarshi kortga chiqadi.