Toshkent viloyati aholisi karantin davrini sportdan va ishdan uzilmagan holda o'tkazmoqda

Joriy yilning 15 mart sanasida O'zbekistonda ilk bora koronavirusga chalinganlik holati qayd etildi. SHu munosabat bilan, 2020 yil 16 martdan boshlab O'zbekiston Respublikasi Jismoniy tarbiya va sport vazirligi tizimidagi barcha talim muassasalari nomalum muddatga yopilgan edi.

Toshkent viloyati Jismoniy tarbiya va sport boshqarmasi boshlig'i tashabbusi bilan viloyat sport tizimida ishlovchi barcha ishchi-xodimlarning masofadan turib ish-faoliyatini davom ettirish tizimi yo'lga qo'yildi.

Jumladan, boshqarma xodimlari ham o'z uylaridan turib har kunlik ish-faoliyati bilan mashg'ul bo'lishmoqda. Xodimlarning samarali mehnat faoliyati uchun barcha shart-sharoitlar yaratib berildi.

SHuningdek, Toshkent viloyati aholisi o'rtasida bo'sh vaqtni mazmunli tashkil etishda uy sharoitida sport bilan muntazam shug'ullanishni tashkil etish borasida Jismoniy tarbiya va sport boshqarmasi tomonidan bir qator ishlar amalga oshirilmoqda.

Boshqarmaning ijtimoiy tarmoqlardagi rasmiy sahifalarida uy sharoitida sport bilan shug'ullanish bo'yicha ko'rgazmali lavhalar va tavsiyalar muntazam berib borilmoqda.