Toshkent viloyatida ot sportini rivojlantirish bo'yicha keng ko'lamli ishlar amalga oshirilmoqda

Jumladan, O'zbekiston Respublikasi Prezidentining 2019 yil 18 fevraldagi PQ-4194-son “O'zbekiston Respublikasida yilqichilik va ot sportini yanada rivojlantirish chora-tadbirlari to'g'risida”gi qaroriga muvofiq ot sporti bazalari tashkil etish va mavjudlaridan oqilona foydalanish qo'yildi.

Toshkent viloyati yakka kurash turlariga ixtisoslashtirilgan bolalar va o'smirlar sport maktabi qoshida ham ot sporti bilan muntazam shug'ullanish uchun sharoit mavjud bo'lsada, bu erda malakali murabbiy va sportchilarga bo'lgan sharoit talab darajasida emas edi.

SHu boisdan Toshkent viloyati Jismoniy tarbiya va sport boshqarmasi boshlig'i tomonidan viloyatda ot sporti bilan shug'ullanuvchilar sonini oshirish va yaqin kelajakda ushbu sport turi bo'yicha mahoratli sportchilani etishtirishga alohida etibor qaratilmoqda.

Boshqarma boshlig'i Komiljon Adilov yakka kurash turlariga ixtisoslashtirilgan bolalar va o'smirlar sport maktabi qoshidagi ot sporti bazasinining bugungi holatini o'rgangan holda bu erdagi malakali mutaxassislar bilan uchrashdi.

Uchrashuvda kerakli kadrlarni jalb etish va ularni munosib rag'batlantirish masalalarini muhokama qildi va IBO'SMda ot sporti bo'yicha mehnat qilayotgan har bir mutaxassisga boshqarmaning qimmatbaho sovg'alarini topshirdi.

SHuningdek, boshqarma tomonidan murabbiylar va sportchilar uchun maxsus sport formalari taqdim etildi. Umid qilamizki, tez orada bu kabi islohotlar o'z samarasini berib, xalqaro maydonlarda O'zbekiston sharafini munosib himoya qiladigan qator sportchilar etishib chiqadi.