Toshkent viloyatida sendvich panelli sport majmui qurib bitkazildi. U qanday ko'rinishda? (FOTOGALEREYA)

Respublikada oxirgi yillarda jismoniy tarbiya va sportni ommalashtirish, aholi o'rtasida sog'lom turmush tarzini targ'ib qilish, imkoniyati cheklangan shaxslarning jismoniy reabilitaciyasi uchun zarur shart-sharoitlar yaratish hamda mamlakat sportchilarining xalqaro maydonlarda  munosib ishtirok etishini taminlash borasida qator ishlar amalga oshirilmoqda.

O'zbekiston Respublikasi Prezidentining 2019 yil 4 dekabrdagi dasturiga asosan, Toshkent viloyati Jismoniy tarbiya va sport boshqarmasi tasarrufidagi Toshkent tumani Keles yo'li K. G'ofurov ko'chasida joylashgan bolalar-o'smirlar sport maktabi filiallari uchun sendvich panellidan 36x36 o'lchamdagi sport zallari hamda 12x24 hajmdagi suniy futbol maydoni 4 milliard so'mdan oshiq mablag' hisobiga qurib bitkazildi.

Ushbu yangi foydalanishga topshiriladigan universal sport zalida mini futbol, boks, badiiy gimnastika, erkin kurash, turon, karate, badminton sport turlaridan qo'shimcha to'garaklar tashkil etiladi, tuman yoshlarining qariyb 600 nafari muntazam sport bilan shug'ullanishi uchun imkoniyat yaratiladi.

Ushbu sport zalida bir paytning o'zida basketbol, mini futbol, voleybol, gandbol va badminton sport turlari bilan shug'ullanish imkoniyati majud. Bir so'z bilan aytganda, yangidan foydalanishga topshirilayotgan ko'p tarmoqli sport majmui Toshkent tumani bolalar va o'smirlar sport maktabida sportning o'yin turlarini yanada rivojlantirishga xizmat qiladi.

Majmuadan suratlarni tomosha qiling:

FOTO: Alimurod Mamadaminov