Toshkentda Jahon kubogi saralashi boshlandi, Qosimjonov ham shu erda FOTOGALEREYA

Musobaqa oldidan nufuzli turnirning tantanali ochilish marosimi bo'lib o'tdi. Turnirda hamyurtlarimiz bilan birga Qozog'iston, Qirg'iziston, Tojikiston va Afg'onistondan tashrif buyurgan 50 nafarga yaqin shaxmatchi ishtirok etmoqda.

Saralash turnirida Jahon chempioni, O'zbekiston faxri Rustam Qosimjonovning ham qatnashayotganligi etiborga molik holat. 

SHuningdek, Nodirbek Yoqubboev, Nodirbek Abdusattorov, SHamsiddin Vohidov, Javohir Sindorov, Gulruhbegim Tohirjonova, Sarvinoz Qurbonboeva, Bahora Abdusattorova, Nilufar Yoqubboeva kabi mahoratli shaxmatchilarimiz ham Jahon kubogi uchun beriladigan yo'llanmani qo'lga kiritish maqsadida dona surmoqda.

Birinchi turda 15 shaxmatchi g'alaba nashidasini surdi. G'olib bo'lganlarning 6 nafari hamyurtlarimiz ekanligi quvonarli. Rustam Qosimjonov, Jahongir Vohidov, Ortiq Nig'matov, Gulruhbegim Tohirjonova, Nilufar Yoqubboeva, Bahora Abdusattorovalar raqiblarini mot qilishga erishdilar.

Bugun saralash bahslarida 2 ta tur bo'lib o'tadi. Biri ertalab soat 09:00 da boshlandi, keyingisi soat 15:00 da start oladi.

Jahon kubogining saralash bosqichi 29 mayga qadar davom etadi.

Alimurod Mamadaminov olgan suratlar