Toshkentda Osiyo ot sporti federaciyasining Bosh Assambleyasi o'tkaziladi

Mazkur Assambleyaning kun tartibidan o'rin olgan asosiy masala - tashkilot Nizomiga o'zgartirish kiritish bo'yicha o'tkaziladigan saylovdir. Bu Osiyo ot sporti federaciyasi uchun tarixiy yig'ilish bo'lishi kutilmoqda. CHunki, so'nggi 20 yil ichida tashkilotning hujjatlarga o'zgartirish kiritish bilan bog'liq urinishlari muvaffaqiyatsiz yakunlangan. Yangilangan Nizomda ot sportining bugungi zamon talablariga mos maqsadi, muayyan vazifalari o'z aksini topadi.

Bosh Assambleyaning kun tartibida shuningdek, konkur bo'yicha o'smirlar o'rtasidagi IV Osiyo chempionatini O'zbekistonda o'tkazish masalasi ham ko'riladi.

Mamlakatimizda ot sporti bo'yicha mana shunday darajadagi tadbirlarni tashkil qilish sportning ushbu turiga qiziqishni kuchaytirish, chavandozlar ichida yangi nomlar paydo bo'lishiga xizmat qilishi shubhasizdir.