Toshkentda para engil atletika bo'yicha O'zbekiston chempionati boshlandi + FOTO

Etiborlisi, bu jarayondan paralimpiya sport turlari ham chetda qolayotgani yo'q.

Xususan, jismoniy imkoniyati cheklangan va nogironligi bo'lgan shaxslar o'rtasida sog'lom turmush tarzini targ'ib qilish, ularning sport bilan muntazam shug'ullanishlari uchun zarur shart-sharoitlar yaratish yo'lida ko'plab ishlar amalga oshirilmoqda. Ayniqsa, 2021 yilning 18 may kuni O'zbekiston Respublikasi Prezidenti tomonidan imzolangan “Paralimpiya harakatini rivoj-lantirishga doir qo'shimcha chora-tadbirlar to'g'risida”gi Qaror mamlakatimizda Paralimpiya harakatini yangi bosqichga olib chiqishga xizmat qilmoqda. 

Prezidentimizning 2021 yil 5 noyabrda imzolagan “2024 yil Parij shahrida (Franciya) bo'lib o'tadigan XXXIII yozgi Olimpiya va XVII Paralimpiya o'yinlariga o'zbekiston sportchilarini kompleks tayyorlash to'g'risida”gi 5281-sonli qarori ijrosini sifatli tashkil etish maqsadida O'zbekiston Milliy paralimpiya qo'mitasi bir qator chora-tadbirlar rejasini ishlab chiqqan. 

Jumladan, mamlakatimizda iqtidorli sportchilarni saralab olib, kelajakda yurtimiz sharafini munosib himoya qiladigan para atletlarni tayyorlash ham ustuvor vazifa sifatida belgilab olingan.

23-24 aprel kunlari para engil atletika bo'yicha O'zbekiston chempionati o'tkazilmoqda. Unda respublikamizning barcha xududlaridan 250 nafardan ortiq sportchi ishtirok etmoqda. Musobaqaning ochilish marosimida O'zbekiston Milliy paralimpiya qo'mitasi rahbariyati, trenerlar va mutaxassislar ishtirok etdi. Ushbu musobaqadan ko'zlangan asosiy maqsad – mamlakat terma jamoasiga asosiy va zaxira tarkibini shakllantirishdan iborat.