Toshkentda slalomda eshkak eshish bo'yicha O'zbekiston chempionatiga start berildi

Toshkent shahridagi Bo'zsuv kanalida Turizm va sport vazirligining sport va ommaviy jismoniy tarbiya tadbirlarining 2021 yil uchun Respublika kalendar rejasiga muvofiq, sportning slalomda eshkak eshish turi bo'yicha 2001-2004 yilda tug'ilgan yoshlar hamda 2005 yilda tug'ilganlar va undan kichik yoshli sportchilar o'rtasida O'zbekiston chempionati boshlandi. Musobaqa 10 oktyabrga qadar davom etadi.

Slalomda eshkak eshish bo'yicha O'zbekiston chempionatida mamlakatimizning 6ta hududidan sportchilar ishtirok etishmoqda. Bular – Andijon viloyatidan 17 nafar, Farg'onadan 55 nafar, Namangandan 50 nafar, Samarqanddan 35 nafar, Toshkent viloyatidan 15 nafar hamda musobaqa mezboni Toshkent shahridan 62 nafar, jami 234 nafar ishtirokchi O'zbekiston chempionligi uchun bahs olib borishyapti.

CHempionat yakunida O'zbekiston o'smirlar va yoshlar terma jamoasiga munosib nomzodlar saralab olinadi va ular terma jamoa tarkibida kelgusi yil bo'ladigan nufuzli xalqaro musobaqalarga tayyorgarlikni davom ettirishadi.