Toshkentda Workout uchun birinchi bepul maydoncha ochildi+FOTO

Qurilish g'oyasi - loyihalashdan tortib to bajarilgunicha hamda moliyalash mamlakatimizdagi mahalliy Buka brendi tomonidan amalga oshirildi. Maydoncha vorkaut uchun barcha zarur snaryadlar bilan jihozlangan va hamma yoshdagi kishilarning shug'ullanishi uchun mo'ljallangan.

Maydoncha zarur sifat standartlariga rioya qilingan holda bajarilgan. Barcha snaryadlar O'zbekistonda ishlab chiqarilgan va Street Workout Uzbekistan hamjamiyatining tajribali vorkaut sportchilari tomonidan test sinovlaridan o'tkazilgan. 

Hamjamiyat sportchilari ochilishga yig'ilgan mahalla ahliga master-klass namoyish etishdi. Mahalla ahli, yoshu qari, hammasi katta qiziqish bilan yondashishdi, barcha snaryadlarni tekshirib chiqishdi. Loyiha mualliflari obekt bir kun ham bo'sh turmasligiga, atrofdagi uylarda yashovchi kishilarning sevimli dargohiga aylanishiga ishonch bildirishdi.  

Buka Boxing Sports Wear kompaniyasi O'zbekistonda sog'lom turmush tarzining ommalashuvi va sportning rivojlanishida faol ishtirok etmoqda. Kompaniya yaqin kunlarda vorkaut maydonchalarini boshqa tumanlarda ham qurib, shahar aholisiga beg'araz berishni rejalashtirmoqda. 

Uylarga bevosita yaqin bo'lgan bunday maydonchalar bolalarimizning sport bilan shug'ullanishlariga, o'z vaqtlarini foydali va mazmunli o'tkazishlariga garov bo'ladi.  

“Biz boshqa kompaniyalar ham bu tashabbusni qo'llab-quvvatlashadi va ochiq havoda sport bilan shug'ullanish mamlakatimiz bo'ylab keng quloch yoyadi, degan umiddamiz. SHunda mahallaning har bir azosiga, ayniqsa bolalarga sport bilan bemalol shug'ullanish imkoni tug'iladi”, - dedi Buka Boxing Sports Wear kompaniyasi direktori Otabek Anvarov.

Vorkaut – bu bruslarda, turniklarda, polda mashqlardir. Bazi elementlari gimnastikadan olingan, bazilari yangidan o'ylab topilgan. Yani, bu mutlaqo yangi ko'cha madaniyatidir. SHunisi muhimki, vorkautning har bir mashqida badanning barcha mushaklari o'z og'irligi tufayli ishlaydi. Agar doimiy ravishda shug'ullanilsa, kuch va chidamlilik yaxshi rivojlanadi.